மறந்த சொந்தம் மறைந்த பந்தம்

தம்பி... 
கடன் வாங்கி குடுத்திருக்குப்பா 
மறக்காம போன உடனே எடுத்து 
பீஸ் கட்டிரு... 
--- இது அப்பா. 

கண்ணு... 
மறக்காம போய் சேர்ந்ததும் 
ஒரு போன் போட்ரு 
எகுத்த வீட்டு வாத்தியார் வீட்டுக்கு... 
--- இது அம்மா. 

ஏ ராசா.. 
வேளா வேளைக்கு வயிறார சாப்டுப்பா 
வாரா வாரம் எண்ண தேச்சி குளிப்பா .. 
--- இது பாட்டி. 

எப்படியாவது இங்லீசு பேச கத்துக்குப்பா 
நம்ம ஜில்லாவுலேயே நீதான் ஒசத்தியா வரணும் 
--- இது தாத்தா. 

என்ன மாதிரி நீயும் ஏர் ஒட்டி கஷ்டப் படாதடா 
எப்படியாவது படிச்சி உத்தியோகத்துக்கு வந்துட்றா 
--- இது அண்ணன். 

மறக்காம புது பேனா வாங்கிக்க 
என் உண்டியல உனக்காக ஓடச்சிருக்கேன்.. 
--- இது தங்கச்சி. 

மறக்காம போன உடனே 
மஞ்ச பையை தொறந்து பாரு 
நான் சேத்து வச்ச காச உன் செலவுக்கு வச்சிருக்கேன்.... 
--- இது தம்பி. 

மறக்காம போன உடனே 
உன் பொறந்த நாளைக்கு புது சட்டை வாங்கிகப்பா... 
நான் தையல் தச்ச காச 
உனக்காக வச்சிருக்கேன்.... 
--- இது அக்கா. 

அன்று... 
இதை எல்லாவற்றையும் 
மறக்காமல் செய்துவிட்டோம்... 

இன்று.... 
இதை சொன்ன எல்லோரையும் 
மறந்து விட்டோம்...